Тэд хэн бэ? #3 | Зомбинууд!

Видео тоглоомын ертөнцийг тэдэнгүйгээр төсөөлөхийн аргагүй юм.

"Half Life 3"-ыг тойрсон нууцууд

2007 оноос хойш өнөөдрийг хүртэл интернетэд тавигдсан уг тоглоомтой холбоотой мэдээллүүдийг нэг дор багцлан хүргэж байна.

Saturday, August 31, 2013

'MineCraft' дээр уурхайчдын тэр бүр мэдээд байдаггүй 14 арга мэх.

За тэгэхээр, хөдөлмөрийн гавшгайчид болон гавъяат уурхайчдын хувьд миний доор бичих аргуудын ихэнхийг нь мэдэж байгаа биз. Гэхдээ энэхүү нийтлэл шинэхэн уурхайчдад зориулагдсан гэдгийг хэлэх байна. Мөн ... хэрвээ та 'MineCraft' гэж юу юм бэ? гэж асуух гэж байгаа бол, больж үз хонгор минь, эргээд агуй дотроо явж ороорой.

01. Бамбарууд нь усан доор агаар үүсгэдэг.


Заримдаа хэтэрхий гүнд шумбах шаардлагатай болсон ч уушигны тань багтаамж хүрэхгүй тэнэгтээд байна уу? Тэгвэл та яагаад дээрх зурган дээрх шиг бамбарыг ашиглаад усан доор агаар үүсгэж болохгүй гэж. Аз болоход блокон ертөнцөд O2 дуусна гэж хэзээ ч байдаггүй юм шүүдээ.

02. Бамбарууд нь элс болон хайргыг амархан 'нураадаг'.


Заримдаа газар доор уурхайдаж байх үед залхуу хүргэмээр их хайргатай тааралдах үе олон гардаг. Харин цагаа хэмнэхийн тулд ердөө л та хайрга болон элсний хамгийн доод талын блокыг аваад оронд нь бамбар хатгачих хэрэгтэй, гэхдээ хурдан хийх хэрэгтэй гэдгийг битгий мартаарай. Мөн өндөрт байшин эсвэл хөшөө барих үед элс болон хайргануудыг ашиглаад, дараагаар нь газарт буусан үедээ ингээд хураагаад авчихаж байвал ямар хялбар байдаг гээч!

03. Бамбарууд нь элс болон хайргыг мөн тогтоож чаддаг.


Инээдтэй нь бамбаруудыг та ашиглаад элс, хайргыг нурааж болдог бол мөн тэднийг бас эргээд тогтоох боломжтой. Гэхдээ та бамбарыг дээрх зурган дээрх шиг ийм байрлалтайгаар хатгах хэрэгтэй шүү. Яахав, заримдаа бид зөвхөн элсээр ч юмуу хайргаар байшин баримаар санагдах үе гардаг шүүдээ, эсвэл ... үгүй юм болов уу?

04. Бамбар ашиглаад агаарт блок тогтоох

 
Бамбарны дэргэд та ямар нэгэн блокыг агаарт байрлуулах боломжтой! Магадгүй та тун цөөхөн блоктой ядуу байгаа үедээ энэхүү аргыг ашиглаж болох юм. Аль эсвэл агаарын шат хийх зэрэг нарийн төвөгтэй ажилд ямар их хэрэг болохыг мэдэж байна уу?

05. Шат болон самбарыг ашиглаад усыг тогтоож болно.


Ус ч үнэхээр ядаргаатай шүү. Лавагийн хувьд бол бүр хэлэх муу үг ч олдохгүй байна. Гэхдээ та тэднийг самбар болон шатыг ашиглаад хялбархан гэгч нь тогтоож болох юм.

06. Блэйзүүд цасан бөмбөлөгөнд дургүй.


Нум хийж, сум цуглуулна гэдэг амаргүй ажил. Тамын ертөнцөд нэвтэрсэн үед тэндхийн хачинжигтэй амьтадтай зөвхөн нум сумаар тулалдах нь хамгийн аюулгүй бөгөөд шилдэг арга юм. Харин газар дээр хэрэг болдоггүй цасан бөмбөлөгүүд нь блэйзүүдийг номхруулахад хэрэг болдог талаар та дуулж байв уу?

07. Соул элсээр хийх занга.


Түүнийг зурган дээрх шиг яг ингээд байрлуулчихсан байхад юу болно гээч! Магадгүй блокон ертөнцийн хувьд хийхэд хялбархан мөртлөө хамгийн үр дүнтэй занга гэвэл энэ л байх.

08. Creative Mode + Mouse 3


Creative буюу Бүтээлч горим дээр тоглож байх явцдаа, ямар нэгэн блокруу хулганаа чиглүүлээд M3 буюу өнхрүүшээ дарахад л тэрхүү блокыг та авах болно доо.

09. Хоёрхон хувин ус = хязгааргүй усны нөөц!


1x3 хэмжээтэй нүх ухаад, хоёр захад нь хувинтай усаа асгачих. Ингээд л та хязгааргүй усны нөөцтэй болох нь тэр. Мэдээж хэрэг ус авах үедээ дундах блокноос нь авах хэрэгтэй. Харин 4x4 нүх ухаад эсрэг талын хоёр буланд нь ус асгаж орхивол дараагаар нь хаанаас нь ч авсан таны худаг эвдрэхгүй байх болно!

10. Нүүрс байхгүй үед.


Нэг хувин лаваг зууханд хийвэл 1.000 секунд асдагийг та мэдэх үү? Харин блэйзийн саваа нь 120 секунд асдаг байна. Эсвэл та ердөө түүхий мод болон модон банзыг ашиглаад л модны нүүрс буюу Charcoal-ыг гарган авах боломжтой!

11. Өвсийг хялбархан цэвэрлэх арга.


Блокон ертөнцийн өөр нэгэн ядаргаатай зүйл нь өвснүүд. Тэд хаа саагүй байдаг бөгөөд тэднийг цэвэрлэхэд хугацаа их зарцуулна шүү. Харин та хувин усны тусламжтайгаар эдгээр муухай өвснүүдийг хялбархан гэгч цэвэрлэх боломжтой.

12. Үл үзэгдэгч.


Таныг "Shift" товчийг дараад доош суусан үед нэр тань хананы цаанаас харагддаггүй гэдгийг мэдэх үү? Одоо айл хөршийнхрүүгээ мэдэгдэхгүйгээр гэтэж болох нь байна шүүдээ :D . Харин авдар болон самбарны ардаас бол суусан эсвэл зогссоноос үл хамаараад мөн л таны нэр харагдахгүй гэж мэд!


13. Тээврийн хэрэгслийг алсын зайнаас устгаж болно.


Завь болон уурхайн тэргийг та нум сумаар харваж үзсэн үү? Магадгүй яагаад энэ аргыг та ааш муутай, харамч хөрш дээрээ ашиглаж болохгүй гэж?

14. Хулууг сүхээр цавчвал илднээс илүү үр дүнтэй.

 
Кактус болон тарвасыг илдээр цавчих нь илүү хурдан байхад хулууг сүхээр цавчвал илднээс илүү байдаг байна.

үргэлжлэл бий ...

Wednesday, August 21, 2013

"Half Life 3"-ыг тойрсон нууцууд!

Half Life. Энэ бол VALVe корпорацийн нэрийн хуудас болсон бүтээгдэхүүн төдийгүй тоглоомын ертөнцийн хамгийн алдартай бүтээлүүдийн нэг гэдгийг видео тоглоом сонирхогч хэн бүхэн мэдэх хойно элдвийг нуршилгүй гол мэдээндээ оръё. (Ахэмм ... хэтэрхий Overrate хийгдсэнийг нь үгүйсгэхгүйэ, гэхдээ энэ нь VALVe-ын бодлого бас байж мэдэх юм.) Бодоод үз л дээ, уг цувралын хамгийн сүүлийн анги нь гэхэд 2007 онд худалдаанд гарсан гээд. Харин түүнээс хойш даруй 6 жил өнгөрчээ. "Assassin's Creed", "Uncharted", "Gears of War", "Crysis" зэрэг цувралууд нь 2007 онд зэрэгцээд "Half-Life 2 : Episode Two"-ын хамтаар худалдаанд гарсан юм шүүдээ, гэтэл одоо саяны нэр дурьдсан тоглоомнуудын хэдэн анги нь гараад буйг та бүхэн мэднэ :) Энэ бүх хугацаанд ноён Геб Ньювелл болоод VALVe-ийн зүгээс ямар нэгэн албан ёсны мэдэгдэл хийгээгүйгээр үл барам уг тоглоомын талаарх асуултанд хариулахаас ямагт татгалзсаар ирсэн юм. Мэдээж хэрэг энэ хооронд нь асар олон цуу яриа, элдвийн таамаглалууд гаралгүй яахав. Хаана л 3-ын тоо харагдана, тэрхүү нийтлэлийн доор уг тоглоомтой холбоотой хэлэлцүүлэг өрнөдөг болоод удаж байна. Харин би та бүхэнд зориулаад хамгийн сүүлийн үеийн магадгүй тун бодьтой байж болохуйц баримтуудыг танилцуулахаар шийдлээ. Гэхдээ энэ бүх холион бантанг бүр эхнээс нь эхэлж бичих хэрэг гарах нь. Ингээд :

2006 он.
  • Тавдугаар сард, Episode Three нь нэг жилийн дараа буюу 2007 оны зул сарын баярын үеэр худалдаанд гарах болно хэмээн зарлагдаж байжээ. Албан ёсоор! [1]
  • Мөн сардаа шинэ мэдээлэл тархаж, EP3-ын нээлтийн тов 6-с 8 сараар наашилсан гэх бөгөөд бүх үеийг нь давахад 4-6 цаг зарцуулагдах болно гэдгийг ч бас дурьдсан байна. Бүр Episode Four-г хүртэл хөгжүүлж эхэлснээс гадна уг шинэ анги нь stand-alone буюу үндсэн цувралаас огт өөр зохиолтой байх талаар хүртэл яригдаж эхэлсэн юм. [2]
2007 он.
  • 6-р сард, Гордон маань EP3-ийн үндсэн гол дүр байна гэдэг нь тодорхой боллоо. [3]
  • Доуг Ломбарди болоод Девид Спэйрер нартай хийсэн ярилцлагын үеэр тэд EP3-ийн талаар хэлэлцсэн бөгөөд хийж бүтээх зүйл маш олон байгаа тухай, ялангуяа цаг агаар мөн газар орчны тал дээр онцгой анхааран ажиллаж буй тухайгаа ярьсан байна. Мөн тоглогчид City 17-д эргэн очихгүй байх болно гэж хэлжээ. Түүнчлэн, PCGamer UK-ын зүгээс тавьсан, "Тоглоомын үйл явдал арктикын бүс газарт байрлах судалгааны баазад өрнөх үү?" гэсэн асуултанд хариулт өгөхөөс тэд татгалзсан юм. [4]
  • 10-р сард, Episode Two нь худалдаанд гарлаа. Уг ангийн төгсгөлд Гордон, Алекс хоёр маань доктор Жудит Моссманы эрэлд гарч, Аперчур корпорацийн алдагдсан хөлөг онгоц Боръяалисыг олохоор Арктикын бүс нутагруу явахаар болж буйгаар тоглоом дуусдаг шүүдээ. Өө нээрэн R.I.P Илай :'(
  • 11-р сард өгсөн ярилцлагандаа Девид, EP3 нь өмнөх хоёр ангиа бодвол аль ч талаараа хувь илүү байх бөгөөд уур амьсгалын хувьд огт өөр байх тухай дурьджээ. Тодруулж хэлбэл баригдмал биш илүү эрх чөлөөтэй, илүү шинэлэг тоглолтыг тэд фенүүддээ санал болгосон байна. Мөн EP2-ын трэйлэр дээрх шиг алдааг дахин гаргахгүй гэдгээ амалсан юм. [5]
  • Мөн сардаа EP3-ийн анхны Concept зураг нь GamesRadar дээр нийтлэгджээ. [6]
  • 12-р сар. Episode Three нь зөвхөн "Half-Life 2" цувралын төгсгөл болохоос бус нийт цувралынх биш гэдгийг мэдэгдсэн байна. Мөн үндсэн цувралаас ангид зохиолтой өөр нэгэн бүлгийг бүтээж байгаа гэснээр урьд жил цухас дурьдсан EP4-г фенүүддээ эргэн сануулсан юм. [7]
2008 он.
  • 4-р сард Source SDK дотроос "Episode3" гэсэн нэртэй фолдер олдлоо. Хачирхалтай нь тун удалгүй дараагийн update-ээр тэдгээр файлуудыг арилгасан байна. Үүнд : "npc_combined_armored" , "npc_wpnscanner" , "weapon_proto1" зэрэг нэрс байсан гэдэг. Дараагаар нь, VALVe-ын Тони Сеи энэ талаар, хуучин материалуудын үлдэгдэл яагаад ч юм тэнд орчихсон явж байна гэх үгээр сэтгүүлчдийн амыг таглаж орхив. [8]
  • 7-р сард EP3-ийн 2 дахь concept art нь гарч *Into the Pixel* уралдааны тэргүүн байранд шалгарав. Тус зургийг VALVe-ын уран бүтээлчид болох Тед Бэкман, Жереми Беннет болон Тристан Рэйдфорд нар зурсан бөгөөд тун удалгүй тоглоомын гуравдахь concept art нь мөн GamesRadar дээр нийтлэгджээ. [9]
  • 10-р сард өгсөн ярилцлагадаа, VALVe-ын маркетингийн албаны захирал Доуг Ломбарди нь EP3 энэ оны эцсээр нийтэд ил тод болно гэдгийг мэдэгдэв. Мөн худалдаанд гарах өдрийн тухайд нэмэлт мэдээлэл хийж өмнөх ангиудыг бодвол жаахан удаж магадгүй гэх талаар бас дуулгалаа. [10]
  • 12-р сард EP3-ын альфа шатны тоглолтын бичлэг гарч ёстой л нэг олныг хуйлруулж эхлэх нь тэрдээ. Гэвч тун удалгүй энэ нь сонирхогчдын бүтээл болох нь батлагдсан юм. [11][12]
  • Мөн 2008 онд EP3-ын доорх Concept зурагнууд leak-дүүлсэн байна. 


2009 он.
  • 6-р сарын нэгэнд Half Life-ын шинэ анги танилцуулагдана хэмээн фенүүд нь амьсгаа даран хүлээж суулаа. Харин түүний оронд Left 4 Dead 2 зарлагдах нь тэрдээ. Хамгийн гомдмоор нь Left 4 Dead 2 boycott тэргүүтэй Steam группууд тэр өдөр гарч ирсэн байна. [13]
  • 8-р сард Геб Ньювелл сонсголын бэрхшээлтэй тоглогчидтой уулзалт хийсэн бөгөөд Portal болон Half Life-ийн ертөнцөд сонсголгүй дүрүүдийг нэмж оруулахаар VALVe туршилт хийж байгааг хэлсэн юм. Түүнчлэн шинэчилэгдсэн Source хөдөлгүүр нь сонсголын бэрхшээлтэй хүмүүсийн хувьд тоглоход тун их эвтэйхэн байх талаар ч дуулгав. Мөн Алекс Венс Гордонтой уулзахаасаа өмнө босогчдын бүлгэмийн сонсголгүй нэгэн гишүүнд сэтгэлтэй байсан талаар, бас Дог-д зориулан дохионы хэлийг програмчилж оруулснаар түүнтэй харилцахад илүү хялбар болсон гэх мэт зүйлсийн талаар өгүүлсэн байна. Тэгээд аюултай газруудад, тухайлбал Нэгдлийн цэргүүдийн нутаг дэвсгэрт байх үедээ дайснууддаа мэдэгдэхгүйн тулд чимээ гаргалгүйгээр хоорондоо харилцах болно гэж хэлжээ. [14]
  • Мөн 8-р сард өгсөн ярилцлагандаа Геб, VALVe нь EP3-ыг оролцуулаад өөр бусад тоглоомнууд дээрээ шинэ технологиудыг туршиж байна гэсэн юм. Харин хүмүүсийн хүсэн хүлээсэн уг тоглоомын талаар тодорхой зүйлийг хэлээгүй бөгөөд өөрсдийгөө бэлэн биш байна гэжээ. [15]
2010 он.
  • 3-р сарын ярилцлагадаа, ноён Ньювелл, HL-ийн цувралыг илүү аймшигтай, гэхдээ сэтгэлзүйн триллер талын уур амьсгалтай болгох хүсэлтэй байгаа талаараа дурьдсан байна. [16]
  • Мөн энэ сардаа Portal-ын ARG нь зарлагдсан юм. ARG гэдэг нь Alternate Reality Game гэж байгаа юм шүүдээ. Өөрөөр хэлбэл ... зүгээр л маш сонирхолтой интерактив тоглоом гээд л ойлгочих. Эхэндээ энэхүү ARG-ыг фенүүд нь EP3 гэж бодсон гэнэ. Удалгүй энэ нь ирэх онд худалдаанд гарах Portal 2-ыг tease хийж байсныг нь олж мэджээ.
  • 4-р сард өгсөн ярилцлагандаа Геб, Гордон Фрийманыг ярьдаг болгохгүй гэсэн бөгөөд ер нь л түүнтэй холбоотой юуг ч өөрчлөх хүсэлгүй байгаагаа хэлжээ. Харин туслах дагуул дүрүүдийг илүү бодьтой, илүү сонирхолтой мөн газар орчныг илүү амьтай болгоно гэдгийг мэдэгдсэн юм. [17]
  • Удалгүй 7-р сард нь Alien Swarm худалдаанд гарлаа. Харин түүний SDK тайлбар мэдээн дотор нь "Ep3 Blob Shake Position" , "Ep3 Fire Cover Position" , "Ep3 Brain Cover Position" , "Ep3 Brain Regenerate Position" , "Ep3 Spit Position" , "Ep3 Spawn Generator Position" болон "Aperture: Nest" гэсэн текстүүд агуулагдаж байсан гэдэг. Мэдээж хэрэг одоо байхгүй болсон л доо. [18]
  • 8-р сард Доуг Ломбарди, тоглогчдыг удаан хугацаагаар хүлээлгэхийг хүсэхгүй байгаа ч гэлээ тоглоомын хөгжүүлэлт дуусаагүй байгаа талаар дуулгасан юм. [19]
2011 он.
  • 2-р сард Чет Фалишек нь VALVe "одоохондоо EP3-ын талаар ярихад хараахан бэлэн биш байна" гэж мэдэгдсэн юм. [20]
  • Харин 3-р сард Доуг Ломбардигаас авсан ярилцлаганд тэрээр, Гордон Фрийманы адал явдлыг бид хийж дуусгаагүй л байна, та нар тэвчээртэй хүлээх хэрэгтэй гэж хэллээ. [21]
  • 4-р сарын 19-нд Portal 2 худалдаанд гарлаа. Мөн өдөр Final Hours of Portal 2 ном гарсан юм. Үүнд зохиогч Жеофф Кэйли, Portal 2 нь магадгүй VALVe-ын хамгийн сүүлчийн Single-Player горим бүхий тоглоом байж мэдэх юм гэсэн нь олныг ихээхэн гонсойлгоод авав. Харин 5-р сард өгсөн Геб Ньювеллийн ярилцлага нь энэхүү үл ойлголцлыг арилгасан юм. Түүний ярьж байгаагаар бол VALVe дахин Single-Player тоглоомнуудыг хийхгүй гэдэг нь худал бөгөөд, харин түүний оронд одоогийн бидний мэддэг энэхүү Single горимд өөрчлөлт оруулна гэдгийг дурьдсан байна. Өөрөөр хэлбэл энэ төрлийн горим бүхий тоглоомнууддаа Social Content-уудыг нэмж оруулна гэсэн юм. Мөн ганцаараа тоглосноос бусадтай холбогдож, найз нөхөдтэйгөө тоглосон нь хамаагүй илүү хөгжилтэй байх болно гэж нэмж хэлжээ. Тэгэхээр Co Op болж таарч байгаа биз, аль эсвэл тэд өөр нэгэн зүйлийг сэдээд байна уу? [22]
  • Мөн 5-р сард өгсөн Гебийн ярилцлага фенүүдийг нь бас л гомдоогоод авлаа. Энэхүү ярилцлагадаа тэрээр, VALVe дахиж олон цуврал бүхий тоглоомнууд дээр ажиллахгүй бөгөөд одоо байгаа тоглоомнуудаа улам чанаржуулан, шинэчилээд явах хүсэлтэй байгааг дуулгасан юм. Зарим өөдрөг үзэлтэй gamer-үүдийн хувьд үүнийг "Магадгүй Half-Life өмнөх ангиудаасаа огт өөр хэв маягтай болох бололтой" гэцгээж байлаа. [23]
  • Мөн сардаа Portal 2 SDK гарсан бөгөөд cache файл дотроос нь "Combine Advisor - Roaming" гэх мөр байхыг гярхай нэг нь төвөггүй олж харжээ. Харин төд удалгүй дараагийн Update-ээр энэхүү файл устгагдсан байна. [24]
  • Бас дахиад л 5 сард мөн л өнөөх Portal 2-ын SDK дотроос "magnuss" гэсэн тодотголтой vcd өргөтгөл бүхий файлууд олдлоо. Тухайлбал "magnuss_get_going.vcd", "magnuss_idle.vcd", "magnuss_nopoint.vcd", "magnuss_shakehead.vcd", болон "magnuss_wave.vcd". Эдгээр нь бүгд "magnusson.mdl" гэх Арне Магнуссон-ы моделтой холбогдож байсан юм. EP2 дотор ийм зүйл байгаагүй нь тоглогчдын найдлагыг ихэсгэж өгсөн төдийгүй Магнуссоны анимэйшнүүд нь "mag" хэмээн товчлогдсон байжээ. [25][26]
  • 6-р сард зохиогдсон Games for Change фестивалын үеэр видео тоглоомын боловсролд нөлөөлөх ашиг тусын талаарх илтгэлдээ Геб "Ep3 хэзээ худалдаанд гарах вэ?" гэсэн асуултанд "Ямар хариулт сонсохоо мэдсээр байж ямар асуулт асууж байнаа" гээд даажигнаад өнгөрөв. [27]
  • 8-р сарын 11 болон 12-нд VALVe-ын Вашингтон, Беллевю дахь төв салбар дээр нь EP3/HL3-ыг сурагласан гурван фен залуус уриа лоозон барьсаар явж очжээ. Геб тэдэнтэй биечлэн уулзсанаас гадна тэднийг өдрийн зоогонд урьж, бүр Эрик Жонсон-р хөтөч хийн компани дотуур аялж үзэхийг санал болгосон байна. Мөн пицца авч өгч, Dota 2-ын туршилтын хувилбарыг тоглуулж, явахад нь бэлэг дурсгалын зүйлсийг гардуулсан аж. Тэгээд явахаасаа өмнө фенүүдийн асуусан HL3-ын талаарх асуултанд Геб тун эелдэгхэн гэгч нь "Хэлж чадахгүйнээ" гэж хариулсан гэдэг. Эхний өдөр тэд хоёулаа байсан бол гуравдахь өдөр нь 3 болж нэг залуу шинээр нэмэгдсэн нь тэр гэнэ. Зэргэлдээ Microsoft-ын оффис байдаг бөгөөд VALVe-ын ажилтнууд тэдэнд хандаж, яагаад MS-ийн үүдэнд очоод MS Office-ын хуучин Маскот болох "Клиппи"-г дахин ирүүлэх талаар асууж болохгүй гэж хэмээн хошигносон байна. Энэ бүхэнтэй холбогдуулан Kotaku-с тайлбар мэдээ авах үедээ мөн тэднээс HL3-ын талаар асуужээ. Хариуд нь Ньювелл "Би та нарт юу ч хэлэхгүй" гэсэн байна. [28][29][30][31]
  • 9-р сарын 19-нд Вьетнамын нэгэн бета-тестер "Dota 2"-ын Client File-ыг бүхлээр leak хийж интернетэд цацсан юм. Энэ тийм ч сонирхолтой үйл явдал байсангүй. Харин тэдгээр файлуудын дунд "ep3" гэсэн нэртэй фолдер, мөн "weapon_icegun", "weaponizer_concrete", "weaponizer_liquid", "weaponizer_metal", болон "weapon_flamethrower" гэсэн нэрнүүд дотор нь байсан нь ёстой л нэг тэр өдөр видео тоглоомын ертөнцийг доргиох шиг болж билээ. Гэвч 9-р сарын 23-нд Чет Фалишекийн зүгээс энэ бүхнийг үгүйсгэсэн мэдээллийг хийсэн юм. [32][33]
  • 11 сард тун гайхалтай хэрэг боллоо шүү. Spike TV 2011 Video Game Awards-с Wheatley-г "Оны шилдэг дүр" шагналыг авсантай холбогдуулан нэгэн бичлэг гарсан бөгөөд нууцлаг мессежүүдийн хамтаар хэд хэдэн э-мэйл хаягнуудыг  хавсаргасан байж. Бүр Доуг Раттман-ы Твиттер хаягнаас энэ бүхэн ирсэн гээд боддоо. Түүнчлэн Black-Aperture.com гэх сайт хүртэл нээгдэж, хүмүүсийн тархийг гашилгаж, элдэв янзын оньсого таалгаж эхлэв. Гэвч энэ бүхэн нь бүгд хуурамч байсан нь төдөлгүй илчлэгдсэн билээ. [34][35][36][37]
  • 12-р сарын 1-нд Uber Entertainment-ын тоглоом хөгжүүлэгч Чандана Эканаяакын авсан гэрэл зураг олны анхаарлыг тун их татсан юм. Тэрээр нэгэн арга хэмжээний үеэр VALVe-ын ажилтны өмсч явсан HL3-ын лого бүхий футболкыг хараад уг цувралын үнэнч шүтэн бишрэгчийн хувьд зургийг нь авах хүсэлтэй байгаагаа илэрхийлжээ. Үүний дараахан фенүүд нь цувралын зохиолч Марк Лэйдлаваас лавлахад тэрээр уг футболкыг үгүйсгээгүй ч цувралын талаар нааштай хариуг өгөөгүй юмдаг. [38][39]
  • 12-р сарын 9-нд. АНУ-д байрлах, нэрээ нууцлахыг хүссэн нэгэн дуу оруулагч жүжигчин "Half-Life 3"-д зориулж дууны бичлэгэнд орсон тухайгаа бичсэн байна. уг мэдээлэлд итгэхэд бэрх ч гэлээ фенүүд нь HL3-ыг 12-р сарын 10-нд зохиогдох Spike Video Game Awards-ын үеэр танилцуулагдах нь хэмээн ихээхэн догдолжээ. [40]
  • Steam-ийн баярын хямдралын үеэр VALVe-ын зүгээс Half-Life-ийг илтгэсэн байж болохуйц зурагнуудыг гаргасан нь мөн л олны дунд шуугиан тариад амжив. 12-р сарын 22-нд гарсан Randolph the Red-Nosed Turret комик дээр Гордон, Алекс, Дог гуравт зориулсан гурван оймсыг ил зуухан дээр өлгөсөн байжээ. Харин зуухны дээр Portal 2-ын төгсгөлд гардаг тариан талбайг дүрсэлсэн байх бөгөөд тэнгэрт нь 3 үүлийг зурсан байна. Хямдралын 5 дахь өдөр гарсан хуудсан дээр Санта Клаусын чаргыг унасан Steam маскотуудыг дүрсэлсэн байв. Тэдний нэг нь Ламбдагийн лого бүхий хүзүүний зүүлттэй байсан гэдэг. Энэ үед фенүүдийн дунд маш хүчтэй цуурхал тарсан юм. [41]
  • 12-р сарны 23-нд VALVe-ын дуу оруулагч жүжигчин Жон Патрик Лөүри нь VGA-д нэр дэвшээд байсан эхнэрийнхээ талаар хувийн блог дээрээ бичиж байхдаа дээрх нэрээ нууцлахыг хүссэн залуугийн цуурхлыг үгүйсгэсэн байна. Харин түүний эхнэр нь GlaDOS-д дуу оруулдаг Эллен МакЛэйн гэдгийг та мэдэх үү? Тэрээр "Эллен бид хоёр Half-Life-ийн шинэ анги хийгдэж байгаа талаар дуулаагүй юм байна" гэж бичсэн юм. [42]
  • 12-р сарын 26-нд Steam форум дээр "A Call for Communication (Half-Life)" групп байгуулагдаж ердөө сарын дотор л 1000 гаруй гарын үсгийг цуглуулж чаджээ. Одоо бол тэдний гишүүдийн тоо 50.000 хол даваад байна. [43][44][45]
2012 он.
  • 1-р сарын 5-нд Steam-ийн форумууд дээр Half-Life 3-ын талаарх VALVe-ын нам гүм байдлыг эсэргүүцсэн "Operation Crowbar" гэх хөдөлгөөн өрнөж эхэллээ. Уг хөдөлгөөнд нэгдсэн фенүүд нь хямдхан зардлаар царил худалдан авч VALVe-рүү илгээсэн бөгөөд боломжгүй нэг нь төрөл бүрийн царилны зургаар VALVe-ын э-мэйл хаяг болон Facebook хуудаснуудыг нь дүүргэж орхисон байна. [46]
  • 1-р сарын 9-нд Counter-Strike: Global Offensive-ын бета файлууд дотор Half-Life-ын нэр нэг бус удаа дурьдагдсан байсныг оллоо. Тухайлбал "Office" гэх газрын тексчур файлууд дотор Half-Life 2-ын гол дүрүүдийн нэрс үзэгдсэн гэнэ. [47]
  • 1-р сарын 10-нд IGN-ий нийтлэлч Чарлес Ониетт өөрийнхөө мэдээнд, энэхүү 2012 онд л VALVe "Half Life 3"-ын талаар ам нээх ёстой бөгөөд магадгүй Microsoft эсвэл SONY-ын дараагийн түвшний платформуудыг хүлээж байгаа байх гэж бичжээ. Энэхүү нийтлэлийн тухайд хэлэхэд зүгээр ч нэг хоосон таамаглал байгаагүй юм шүү. Сэтгүүлч эр маань багагүй судалгааг хийсний үндсэн дээр ийнхүү хэлсэн байна. Гэтэл тэр тааж чадаагүй нь тун тоогүй хэрэг. [48]
  • 1-р сарын 12-нд Garry's Mod-ыг зохиогч Гарри Ньюман өөрийн Твиттер дээрх хуудаснаа нэгэн зургийг тавьсан нь хүмүүсийн дунд шуугиан тарилаа. Тэрээр Half-Life 3-ын футболканы зургийг харуулсан бөгөөд VALVe-с өөрт нь илгээсэн юм хэмээн даажигнажээ. [49]
  • 1-р сарын 13-нд Марк Лэйдлав нь EP4-ын талаарх цуурхал үнэн байсан талаар мэдэгдлээ. Энэхүү анги нь "Half Life 2"-ийн "Return to Ravenholm" гэх шинэ анги байсан бөгөөд 2006 оноос 2009 оны хооронд Arkane студид хөгжүүлэгдэж байжээ. Харамсалтай нь уг анги нь цуцлагдсан байна. [50]
  • 1-р сарын 19-нд "A Call for Communication (Half-Life)"  Steam групп үйл ажиллагаагаа эрчимжүүллээ. [51]
  • Ингээд 2-р сарын 4-нд уг групп маань "A Red Letter Day" гэх үйл ажиллагааг зарласан байна. Уг группт элссэн хүмүүс Half-Life 2-ыг дахин тоглож, худалдан авч, бусад форумууд дээр хэлэлцүүлэг өрнүүлснээр уг тоглоомыг мэдээллийн хэрэгслүүдийн анхаарлын төвд аваачих зорилготой байлаа. Тэдний уриа нь "бүх цаг үеийн хамгийн шилдэг тоглоомнуудын нэг болох Half-Life 2-г тоглоцгооё, бидэнтэй нэгдэнэ үү" гэсэн байжээ. Үнэхээр ч Half-Life 2 нь тухайн өдрийн хамгийн их тоглогдсон 10 тоглоомын жагсаалтанд ороход ердөө нэг байр дутсан ч гэлээ нийтдээ 13,216 тоглогч уг үйл ажиллагаанд хамрагдсан гэх мэдээлэл байна. Мөн тэд веб сайт дээрээ дараагийн үйл ажиллагааны товыг бас зарлажээ. [51][52]
  • 4-р сард Seven Day Cooldown радиогоос Геб Ньювеллтэй холбогдож ярилцлага хийсэн байна. Хөтлөгчийн зүгээс түүнд дараах асуултыг тавьсан нь олныг ихээхэн хөгжөөгөөд авав. "Одоо би хамгийн сүүлчийнхээ асуултыг, мөн танай бүх фенүүд болоод бусад олон арван тоглогчдын хариулт авахыг хүсэн хүлээж буй асуултыг асууя : Хэзээ бид Ricochet 2-ыг хүлээн авах вэ?" гэжээ. Хариуд нь Геб урьдын л адил маш бөөрөнхий гэхэд дэндүү бөөрөнхий хариултыг өгсөн юм. Мэдээж хэрэг Ricochet 2-оор Half-Life 3-ыг төлөөлүүлсэн нь тодорхой. Ricochet-ын хувьд яривал уг тоглоом маань оригнал Half-Life-ын ердөө мод байсан юм шүүдээ. Тэр бүү хэл ямар ч зохиол, зорилгогүй бөгөөд VALVe-ын зүгээс гаргасан хамгийн муу тоглоомоор шалгарсан юм. Мөн Гебээс уг төсөл дээр ажиллаж байгаа хүмүүс өөр ажлууд дээр томилогдсон уу гэх асуултанд : "Ricochet 2 дээр ажиллаж байгаа хүмүүс Ricochet 2 дээрээ л үргэлжлүүлэн ажиллаж байгаа" гэсэн байна. [53]
  • 6-р сарын 9-нд ноён Геб, Subutai Corporation-ы CLANG гэх тоглоомны KickStarter бичлэгэнд тоглосон байна. Уг бичлэгэнд Геб галд улайссан царилыг давтаж байх бөгөөд Subutai-н гишүүн Нел Стефенсоны "Хөөе, наадах чинь болж байна уу?" гэсэн асуултанд "Үүнийг хийхэд, цаг их орно" гэж хариулж байгаагаар гардаг аж. Эх сурвалжаас бичлэгийг нь үзээрэй. [54]
  • 6-р сарын 27-нд бас нэгэн Concept зураг гаржээ. Мэдээж хэрэг VALVe чимээгүй өнгөрсөн нь тодорхой, хүмүүс ч бас итгэсэнгүй. Гэхдээ форумын модераторууд нь уг зургийг үнэн гэдгийг баталсан хэвээрээ л байгаа юм. [55]
  • Gamescom 2012-ын PDF хавсралтанд "Half Life 3" гэсэн нэр орчихсон явж байжээ. Дараагаар нь тэд үүнийгээ алдаа байсан юм хэмээн залруулсан билээ. Мөн VALVe давхар мэдээлэл хийж "Бид энэ жил Колоне хотноо очихгүй, ямар ч тоглоом танилцуулахгүй" гэж мэдэгдсэн бөгөөд хэлсэндээ ч хүрсэн юм. Дараагийн update-ээр HL3-ын нэр хасагдсан байна. [56][57]
  • 2012 оны 8-р сард Spike TV Геб Ньювеллээс "Counter-Strike : Global Offensive"-ын талаарх ярилцлагыг авах үедээ HL3-ын талаар асуусан байна. "Би махчин загаснуудад дургүй", "Хэрэв та нар намайг бариад идчих юм бол Half-Life 3-ыг хэзээ ч олж авч чадахгүй" гэж  хариулжээ. Дараа нь наргиан болгож махчин загаснуудаар фенүүдийг нь илэрхийлснээ хэлсэн юм. Үүнээс хойш хэрвээ уг цувралын шинэ анги гарвал EP3 биш HL3 юм байна гэх мэдээлэл олон нийтэд тархсан байна. [58]
  • Mad Catz S.T.R.I.K.E Keyboard-ны трэйлэр дээр нэгэн ширээний компьютерийн дэлгэцнээ HL3-ын лого харагдаад өнгөрсөн нь мөн л наргиан болж таарав. [59]
  • 9-р сарын 17-нд бүр ч том цуурхал гарлаа. Францын нэгэн веб сайт нэрээ нууцлахыг хүссэн эх сурвалжаас Half-Life 3-ын талаарх мэдээллийг авсан тухайгаа дуулгав. Уг мэдээнд HL3 нь RPG элементүүдийг агуулсан байх бөгөөд багагүй бэрхшээлийг туулсны эцэст 2014 онд худалдаанд гарахаар болсон тухай мөн бичсэн байв. [60]
  • 9-р сарын 27-нд "The Last of Us"-ын Элли охины дүрд дуу оруулсан Ашлэй Жонсон нь Мерле Дандрижийн (Алекс Венсийн дуу оруулагч) Mo-Cap өмсгөлтэй зургийг Твиттер дээрээ тавьсан байна. Зурагний гарчиг нь ""Alyx Vance" #HL3 #insidecoop" гэсэн байжээ. Фенүүд нь галзуурч эхэлсэн тул Жонсон зүгээр л тоглоом хийж байсан тухайгаа мэдэгдэхэд хүрэв. [61]
  • TheGamerDrive-ын Бен "Half Life 3"-ыг "Most Notably Absent" буюу "Хамгийн их анхаарал татаж байгаа хэрнээ сураггүй байгаа тоглоом"-оор өргөмжилжээ. Мөн нийтлэлч маань "Screw you, Valve." гэж тайлбартаа бухимдлаа илэрхийлсэн байна.
2013 он.
  • Найруулагч J.J. Abrams болон Gabe Newell нар 2-р сарын 6-ны өдрийн DICE уулзалтын үеэр "Storytelling Across Platforms: Who Benefits Most, the Audience or the Player?" гэх сэдвээр хамтран илтгэл тавьцгаасан юм. Харин илтгэлийн төгсгөлд ноён Абрамс хэлэхдээ : "VALVe-ын тоглоомнууд дээр бид хамтран хэрэгжүүлж болохуйц санаа байна" гэж хэллээ. Уг бөөрөнхий өгүүлбэрийг үзэгчид ойлгож амжаагүй байтал манай Геб : "Бид хамтраад 'Portal' эсвэл 'Half Life'-ийн кино төсөл дээр ажиллах төлөвлөгөөтэй байна. Аль аль байгууллагын маань хувьд одоо ярихаа багасгаж өөрсдийн оролдлогыг дээшлүүлэх цаг нь болжээ" гээд түс тас хэлж орхив. (Ингэж хэлэхдээ тэр давхар удаан хугацаанд дуншсан "Half-Life 3"-аа далд байдлаар илэрхийлсэн болов уу?). Ингээд тэр хоёр тайзнаас бууцгаав. Энэ бол VALVe-ын хувьд Half-Life-тай холбоотойгоор 2011 оноос хойш хийсэн анхны албан ёсны мэдэгдэл байлаа. [62]
  • 3-р сарын 5-нд Геб Невелл BAFTA шагнал гардуулах ёслолын арга хэмжээнээс "Academy Fellowship" гэх төрлөөр шагнал гардав. Жонатон Росс түүнээс Half-Life 3-ын талаар асуутал ноён Геб тун товч бөгөөд тодорхой хариултыг өгсөн юм. "Энэ талаар яриад байх зүйл бидэнд байхгүйэ" [63]
  • 3-р сарын 28-нд видео тоглоом хөгжүүлэгч Девид Гөүлдфарб өөрийн твиттер хуудаснаа "Өнөөдөр би VALVe-ын байраар орж үзлээ. Тэд ч их сайхан юмтай сууж байналээ" гэж бичсэн байв. Үүнийг нь харсан Маркус Перссон (Нотч - "MineCraft"-ыг зохиогч) "HL3 мөн үү?" гэж асуусан юм. Хариуд нь Гөүлдфарб "Энэ талаар хариулт өгөх эсэхээ мэдэхгүй байна, магадгүй би чимээгүй байсан нь дээр байх" гэлээ. Тэгтэл Нотч "Хэрвээ hl3 мөн бол энэхүү жиргээнд минь хариулт бичээрэй" гэсэн байна. Харин Гөүлдфарб "Хариулт болгож би чамд бүжиг дэглэж үзүүлье. Анхааралтай хараарай" гэсэн хариу бичжээ! [64]
  • 4-р сарын 1-нд "Half Life 2 : Episode Three" гэсэн нэр Steam дээр үзэгдэх нь тэрдээ. Тэгээд Pre-order буюу Урьдчилан-захиалах гэсэн товчин дээр дарахад CheapShark-ын зүгээс хийж буй дөнгөлт болох нь тодорхой боллоо. [65]
  • Доуг Ломбарди Valve Time-д хандаж энэ жилийн E3-аар оролцохгүй гэдгээ э-мэйлээр мэдэгдсэн байна. [66]
  • 5-р сарын 22-нд зохиолч Марк Лэйдлав өөрийн Твиттер дээрх хуучин хаягаараа нэвтэрч орсон байна. Мөн өөр мэдээндээ "Би Half-Life-с тийм ч амархан салчихгүйэ. Одоохондоо миний хийж дөнгөх зүйл гэвэл энэ л байна" гэж бичиж үлдээсэн байна. [67]
  • 6-р сард VALVe-с мөн л мэдээлэл алдагдсан гэх мэдээ ирсэн бөгөөд, "Half Life 3", "Left 4 Dead 3" болон "Source 2." гэх нэрс төслийн тайлан мэдээний жагсаалтанд нь байсан гэнэ. Гэхдээ итгэхэд тийм ч амар хэрэг биш байгаа биз? [68]
  • Surgeon Simulator 2013 нь Team Fortress 2-ын DLC-ээр шинэчилэгдсэн шүүдээ. Харин даалгаврыг гүйцэтгэж дуусгамагц Найжелын ширээн дээр Медикын хөшөө гарч ирдэг юм. Харин хөшөөний доод суурийг харвал "The Time is" гэх Солонгос бичээс байгааг харж болно. Энэхүү ARG-ыг хөгжүүлэгчдийн зүгээс баталсан бөгөөд зөвхөн өөрсдийнх нь Surgeon Simulator тоглоомд л хамаатай гэсэн байна. [69]
  • Half Life 2-ын Update гарлаа. Хачирхалтай алдааны улмаас тоглоомын бүх дүрүүд Солонгосоор яриад эхэлжээ. Тун удалгүй тоглоомын шинэ патч нь гарч энэ бүхэн засагдсан бөгөөд Steam Support-ын зүгээс : "АНХААРУУЛГА : HL2-ын сүүлд гаргасан Update нь асуудалтай байгаа тул бид засварлаж байна. Татаж авах хэрэггүй. 예측하지 못한 결과에 대비하라..." гэж мэдэгдлээ. Харин энэхүү Солонгос бичгийг орчуулбал ""Prepare for unforeseen consequences..." гэж орчуулагдсан байна! Энэ үг их HL-ын ертөнцөд их алдартай шүүдээ. Мөн VALVe-ын зүгээс шинэ ARG-ын талаарх элдэв мэдээллийг үгүйсгэжээ. [70][71]
  • 7-р сар: noshitshurlock.com веб сайтад Half-Life-ын level дизайнер Жон Гутьрие нь Half-Life 3-ыг 2014 оны сүүлээр худалдаанд гарах бөгөөд ирэх жилийн E3-аар трэйлэр нь Gameplay тоглолтынхоо хамтаар танилцуулагдана гэж хэлсэн тухай бичжээ. [72] Харин маргааш нь VALVe-ын зүгээс мэдэгдэл хийж, уг мэдээллийг няцаасан юм. [73] 
  • 8-р сарын 15-нд Жон Патрик Лүөри, VALVe-г тоглоом доторх дүрүүдийн үйл хөдлөлийг хийх үйлдлээсээ хамааран хувьсан өөрчлөгддөг шинэ Mo-Cap технологийн хөгжүүлэлтийг хүлээж байгаа тул Half-Life 3 нь худалдаанд гарахгүй байгаа юм гэж хувийн блог дээрээ бичсэн байна. [74] Мөн тэрээр тоглоомын талаарх нарийн зүйлсийг мэдэхгүй байгаа тул бусад фенүүдийн л адил тодорхой мэдээлэлгүй таг харанхуй сууж байна гэж нэмж бичжээ. [75]
  • 8-р сарын 19-н буюу ердөө уржигдар гэхэд л Steam дээр Half-Life 3 Internal Beta 3 гэсэн нэр үзэгдээд өнгөрсөн байх юм. Тексчурын чанарыг сайжруулж, алдаануудыг зассан гэх уг төслийн тайлан мэдээг мөн л тэд үгүйсгээд өнгөрсөн билээ. [76]
Reference : 
PS : http://lambdageneration.com сайт одоохондоо засвартай байна.

[1] http://www.gamespot.com/news/half ...... -dated-three-announced-6151796
[2] http://half-life.wikia.com/wiki/File:HL2_Episodes_-_PC_Gamer,_May_2006.jpg
[3] http://www.eurogamer.net/articles/i_valve_060606
[4] http://www.eurogamer.net/articles/valve-comments-on-episode-three-progress
[5] http://www.rockpapershotgun.com/2007/11/08/rps-interview-episode-ones-david-speyrer/
[6] http://www.gamesradar.com/the-first-concept-art-from-half-life-2-episode-three/
[7] http://www.stuffwelike.com/2007/12/12/half-life-3-world-exclusive/
[8] forums.steampowered.com/forums/showpost.php?p=7533035&postcount=3
[9] www.gamesradar.com/pc/half-life-2-episode-th ....... 20080710154921839018
[10] http://archive.videogamesdaily.com/features/valve-doug-lombard ..... interview-p3.asp
[11] http://www.youtube.com/watch?v=UUnn5TOB-4M&hd=1
[12] http://www.moddb.com/games/half-life-2/addons/fake-episode-3-maps-half-life-2-ep2
[13] http://forums.steampowered.com/forums/showthread.php?t=887255
[14] http://www.youtube.com/watch?v=Np5KTAm7kac&hd=1
[15] https://docs.google.com/document/d/1uCB ....... P31_PcF0uB_7c-bToh928/preview
[16] http://www.computerandvideogames.co ...... 2?cid=OTC-RSS&attr=CVG-News-RSS
[17] http://www.computerandvideogames.com/241221/gabe-newell-next-half-life-wont-change-gordon-freeman/
[18] forums.steampowered.com/forums/showthread.php?t=1372475
[19] http://www.computerandvideogames.com/258751/features/how-valve-will-change-ps3/
[20] www.news.com.au/technology/gaming/valve-writers-crack-jokes-about-g-man-but-refuse-to-answer-questions-about-half-life-2-episode-3/story-e6frfrt9-1226009308880
[21] http://www.ausgamers.com/features/read/3037280
[22] www.escapistmagazine.com/news/view/109850-Newell-Valve-to-Replace-Single-Player-With-Single-Player-Plus
[23] http://www.develop-online.net/features/1184/The-Valve-manifesto
[24] http://lambdageneration.com/posts/jalf-life-code-found-inside-portal-2-sdk/
[25] http://lambdageneration.com/posts/new-half-life-choreography-files-for-doctor-magnusson-found-in-portal-2
[26] http://www.youtube.com/watch?v=atpwi2ExtZA&hd=1
[27] http://www.1up.com/news/when-half-life-episode-3-coming-answer-you-know-answer
[28] http://www.reddit.com/r/gaming/comments/jg2t/day_2_of_the_valve_protest_still_holding_strong
[29] http://kotaku.com/5831805/what-did-gabe-newell-say-to-the-half+life-3-protesters
[30] http://lambdageneration.com/posts/what-became-of-the-hl3-protest
[31] http://lambdageneration.com/posts/fans-picket-for-hl3-realese-outside-of valve-hq-are-greeted-by-gabe-himself
[32] http://attackofthefanboy.com/news/half-life-2-episode-3-same-old-story/
[33] http://lambdageneration.com/posts/dota-2-client-leaked-including-actual-hl2-episode-three-code
[34] http://lambdageneration.com/posts/informant-close-to-valve-tells-valve-arg-network-admin-and-steamcast-co-host-gabe-has-given-the-go-ahead-for-half-life-hints/
[35] http://lambdageneration.com/posts/lets-debunk-some-fake-half-life-3-rumors-with-vic-fake-e-mails-fake-twitter-accounts-and-more/
[36] http://lambdageneration.com/posts/marc-laidlaw-confirms-that-there-is-no-half-life-3-arg/
[37] http://forums.steampowered.com/forums/showpost.php?p=27654778&postcount=30
[38] https://twitter.com/#!/Ekanaut/status/142476850931834880
[39] http://kotaku.com/5864573/half+life-3-t+shirt-confirmed-but-that-is-all
[40] www.oxm.co.uk/36708/valve-voice-actor-working-on-half-life-episode-3
[41] http://store.steampowered.com/news/7084/
[42] lowrie.camelpress.com/?p=306
[43] forums.steampowered.com/forums/showthread.php?t=887255
[44] http://lambdageneration.com/posts/the-episode-two-spufs-message-to-valve-petition-has-hit-1000-signatures/
[45] http://lambdageneration.com/posts/a-call-for-communicationmessage-to-valve-movement-still-going-now-has-its-own-steam-group/
[46] http://lambdageneration.com/posts/operation-crowbar-crazy-fans-pay-money-to-send-valve-crowbars-to-get-across-a-half-life-message/
[47] http://lambdageneration.com/posts/bizarre-in-game-cs-global-offensive-whiteboard-surfaces-indicates-an-august-2012-release-date-for-csgo-and-more-weird-half-life-and-number-3-references-could-doctor-breen-still-be-alive/
[48] http://www.ign.com/articles/2012/01/10/prediction-half-life-3-will-be-unveiled-in-2012
[49] http://lambdageneration.com/posts/garry-newman-trolls-fans-with-yet-another-half-life-3-t-shirt/
[50] http://lambdageneration.com/posts/marc-laidlaw-on-the-cancelled-half-life-spin-offs-return-to-ravenholm-and-episode-four/
[51] http://steamcommunity.com/groups/messagetovalve/events/1424497266471760206
[52] http://lambdageneration.com/posts/one-month-later-the-half-life-call-for-communication-group-is-starting-to-ramp-up-has-major-event-lined-up/
[53] http://kotaku.com/5903627/gabe-newell-updates-interviewer-on-the-status-of-wink-wink-ricochet-2
[54] http://www.youtube.com/watch?v=0d6yBHDvKUw
[55] http://lambdageneration.com/posts/hl2-episode-three-concept-art-leaked-possible-spoilers/
[56] www.halflife2.net/forums/showthread.php?p=3059184&posted=1#post3059184
[57] http://www.gamescom-cologne.com/media/gamescom/downloads/pdf/presse/Neuheitenliste.pdf
[58] http://www.youtube.com/watch?v=vNdqdb7z89g
[59] http://www.youtube.com/watch?v=3Wf6clfhh3M
[60] http://translate.google.co.uk/translate?sl=fr&tl=en&js=n&prev=_t&hl=en&ie=UTF-8&layout=2&eotf=1&u=http%3A%2F%2Fwww.journaldugamer.com%2F2012%2F09%2F17%2Fhalf-life-3-open-world%2F&act=url
[61] www.neoseeker.com/news/20935-alyx-vances-voice-actor-caught-mocapping-probably-not-news-for-half-life-fans/
[62] http://movies.yahoo.com/blogs/movie-talk/half-life-movie-j-j-abrams-game-developer-005857102.html
[63] attackofthefanboy.com/news/life-3-questions-gabe-newell/
[64] https://twitter.com/locust9/status/317436600000868352
[65] http://storestteampowered.com/app/4411/
[66] https://twitter.com/ValveTime/status/322180749375705088/photo/1
[67] http://www.pcgamesn.com/half-life-writer-marc-laidlaw-goes-back-breen-fanfiction-twitter-account
[68] www.valvetime.net/threads/updated-half-life-3-left-4-dead-3-source-2-much-more-found-on-valve-project-tracker.243580/
[69] http://cloud-2.steampowered.com/ugc/921266761960177669/FAD2F75C9FBE76BB062DC25805992AB7025118F1/
[70] https://twitter.com/SurgeonSim2013/status/350341471657926656
[71] https://twitter.com/SurgeonSim2013/statuses/350549872459522048
[72] http://www.noshitshurlock.com/half-life-3-coming-late-2014-to-pc-and-console/
[73] http://www.escapistmagazine.com/news/view/126372-Half-Life-3-Wont-Be-At-E3-2014-Says-Valve
[74] http://www.guru3d.com/news_story/why_half_life_3_has_not_been_released_yet.html
[75] http://kotaku.com/voice-actor-is-sorry-for-crushing-your-half-life-3-drea-1165734092
[76] http://kotaku.com/steam-developer-accidentally-trolls-half-life-3-fans-1168581785

Saturday, August 17, 2013

Gamescom 2013 үзэсгэлэн

Gamescom гэж юу вэ?

Энэ бол E3-ын дараагаар 2-дугаарт орох хэмжээний томоохон үзэсгэлэн юм. Мөн жил бүр зохион байгуулагддаг энэхүү арга хэмжээнд олон орны видео тоглоом хөгжүүлэгч студи болон компаниуд оролцож өөрсдийн бүтээлүүдээс шинэ соргог гэсэн зүйлсээ тоглоом сонирхогчдод танилцуулдаг байна. Мэдээж хэрэг E3 дээр сонирхуулсантай яг адилхан зүйлсийг тэд үзүүлэхгүй шүүдээ. Ийм учраас л сонирхолтой байдаг юмдаа. Харин E3-аас ялгаатай нь уг үзэсгэлэн маань АНУ-д биш Европт зохиогддогоороо онцлог юм. Тодруулж хэлбэл Германы дөрөвдэх том хот болох Колоне-ын Коелнмессе цогцолборт зохиогддог бөгөөд өдгөө 5 дахь жилтэйгээ золгох гэж байна.

Энэ жилийн Gamescom үзэсгэлэн хэзээ нээгдэх вэ?

2013 оны 8-р сарын 21-с 25-н. Ердөө тавхан хоногийн дараа эхлэх нь байна!

Онцлох үзвэрүүд болон мэдээнүүд юу байна?

Мэдээж хэрэг тэдний ихэнх нь сюрприз байх болно. Тиймээс одоохондоо тэр бас энэ гэж хэлэх мэдээлэл алга байна даа. Мөн таамаглал, цуу ярианууд ч маш ихээр гарч байна. Ингээд тодорхой болсон мэдээллүүдийн хураангуйг танд хүргье :
  • SONY-ын зүгээс PS4-ын нээлтийн товыг зарлах магадлал тун өндөр байна.
  • Мөн Xbox One платоформд зориулагдсан цоо шинэ exclusive тоглоомыг зарлах болно гэдгээ Microsoft өнгөрсөн долоо хоногт мэдэгдсэн шүүдээ.
  • Ubisoft-ынхон бас нэгэн шинэ тоглоомыг танилцуулахнээ. Бүр Next-Gen [Xbox One/PS4] байх бөгөөд franchise буюу цуврал тоглоом болох гэнэ. Юу юм бол?
  • $150.000-ын сантай StarCraft II-ын тэмцээн зохиогдох нь. [The World Championship Series 2013 Season 2 Global Finals]
  • Энэ жил VALVe оролцоно гэсэн нь тун их анхаарал татаж байна. Тоглогчид тэднээс юуг хамгийн ихээр хүсэн хүлээж буйг та нар мэднэ шүүдээ. Мөн тэд өөрсдийн SteamBOX-ын талаар мэдээлэл өгөхийг ч үгүйсгэхгүй.
  • Xbox One болон PS4, мөн Wii U платформуудыг үзвэрт оролцогсод өөрсдийн биеэр тоглож үзэхнээ! 
  • EA-ын зүгээс "The Sims 4"-ийг танилцуулж мэдэх юм. Мөн "Battlefield 4"-ын тун гайхалтай тоглолтын демог сонирхуулна гэсэн байгаа шүү.
Тэгэлгүй яахав E3 дээр танилцуулагдсан, зарим нэг нь ердөө *tease хийгээд өнгөрсөн маш олон тоглоомнууд бий шүүдээ. Тухайлбал : "Mirror's Edge 2", "Star Wars : Battlefront", "The Witcher 3 : Wild Hunt", "Halo"-ын шинэ анги гэх мэт. Эдгээр тоглоомнуудаас дэлгэрэнгүй мэдээлэл ирнэ гэдэгт итгэлтэй байна.

Мөн хүмүүсийн хүсэн хүлээж буй "Doom 4", "Fallout 4", "Half Life 3" зэрэг тоглоомнуудаас шинэ мэдээ дуулдахыг үгүйсгэх аргагүй юм.

Xbox One vs PS4 - энэхүү ширүүхэн тэмцэлдээн Gamescom дээр ч гэсэн үргэлжлэх нь тодорхой. Тиймээс тоглоом сонирхогчид уг платформуудтай холбоотой шинэ шинэ тоглоомнууд, үйлчилгээнүүд, програм болон техник хангамжийн бусад сонирхолтой мэдээллүүд олноороо илчлэгдэх болно гэдэгт итгэлтэй байгаа аж.

Nintendo-ын зүгээс бас хоосонгүй гэнэ шүү. Тэдний Wii-U болон Nintendo DS системүүд дээр ямар ямар тоглоом шинээр төрөн гарах болоо?

Видео тоглоомноос сэдэвлэгдэн хийгдэж буй олон арван кинонуудаас мэдээлэл ирэх болов уу? Тухайлбал тоглоом сонирхогчдын хамгийн ихээр хүсэн хүлээж буй кино болох "Assassin's Creed" [2015]-с мэдээлэл ирэх нь үү? Эсвэл "WarCraft", үгүй бол "Kane & Lynch" ?

Конференс.

Мэдээж хэрэг Conference буюу илтгэл хуралгүй бол ямар үзэсгэлэн байх билээ.

8-р сарын 20. Өглөөний 7 цагт Electronic Arts компани уг үзэсгэлэнгийн салхийг хагалж анхны conference-ыг хөтөлж явуулахнээ. [Манай цагаар бол оройхон болно шүүдээ]

Яг EA-ын хурлыг залгуулаад SONY-ын конференс 10 цагт эхлэх нь. Тэднээс видео тоглоом сонирхогчид маш их зүйлийг хүлээж байгаа шүү.

[Update] 1am Pacific/4am Eastern/8am GMT - Microsoft Showcase

Харин бусад цагийн хуваариуд нь одоохондоо тодорхойгүй байна.

Дээрх үйл ажиллагаануудыг шууд үзэхийг хүсвэл IGN-ны доорх линкийг тэмдэглээд аваарай.
Watch EA and Sony Live at Gamescom 2013

Оролцох нь тодорхой болсон хөгжүүлэгчдийн нэрс.
  • Activision Buzzard
  • AK Tronic
  • AMD
  • astragon
  • Bethesda Softworks
  • Bigben Interactive
  • Bigpoint
  • bitComposer
  • Caseking
  • CD Projekt
  • Constantin Film
  • Crytek
  • Deep Silver/Koch Media
  • Disney
  • Electronic Arts
  • Fishlabs
  • flashpoint
  • Gaijin
  • Gaya Entertainment
  • Kalypso Media
  • Korea Creative Content Agency
  • Konami
  • LG Electronics
  • Mad Catz
  • Medion
  • Microsoft
  • Nintendo
  • NCsoft
  • NVIDIA
  • ProSiebenSat.1
  • Razer
  • Red 5 Studios
  • Riot Games
  • Roccat
  • Sony
  • Samsung
  • Square-Enix
  • Take-Two Interactive
  • Ubisoft
  • UKIE
  • Turtle Entertainment
  • Valve
  • Wargaming
  • Warner Bros. 
Gamescom дээр танилцуулагдах тоглоомын жагсаалт.

Маш урт жагсаалт бий тул доорх линкээр ороод сонирхоорой!
Gamescom 2013 Games List

Gamescom 2013-ын талаарх мэдээлэл.

Ингээс эцэст нь энэ жилийн үзэсгэлэнгийн талаарх товчхон мэдээллийг хүргье.
  • Одоогийн байдлаар 40 орны нийт 635 видео тоглоом хөгжүүлэгчид уг үзэсгэлэнд оролцох нь тодорхой болоод байна.
  • Өнгөрсөн жилийнхийг бодвол энэ удаад үзэсгэлэнд оролцогсдын [хөгжүүлэгчид] 60% нь бусад орны хүмүүс байх нь. [Америк биш]
  • Цогцолбор дахь үзэсгэлэнгийн нийт талбай нь 140.000 метр кв аж.
  • Харин үзэсгэлэнг үзэж сонирхогчдын хувьд гэвэл дэлхийн 80 орноос нийтдээ 275.000 хүн ирж сонирхохоор тасалбар авсан гэх мэдээлэл байна. 
  • Тэдний 24.000 нь trade visitor байх гэнэ.
  • Энэ жилийн түнш орноор Франц шалгарсан байна.
Бусад дэлгэрэнгүй мэдээллийг авахыг хүсвэл Gamescom-ын албан ёсны веб сайтаар зочилно уу.

http://www.gamescom-cologne.com/ 

Мөн шинэ мэдээлэл ирвэл энэхүү нийтлэлийг [Update] хийгээд явах болноо.

Thursday, August 15, 2013

Steam болон Origin дээр түлхүүрээ хэрхэн идэвхжүүлэх вэ?

Giveaway-ын ялагч нартаа зориулаад энэхүү мэдээг бэлтгэлээ. Цаашид иймэрхүү сугалаанууд гэнэт2 зарлагдаж байж мэднэ шүү :)

Ингээд зааврыг оруулахаасаа өмнө Steam гэж юу болох талаар тун товчхон мэдээллийг хүргье. Манай "Dota 2" болон "Team Fortress 2"-ын тоглогчид бол сайн мэдэх байх, тийм үү? Тэгэхээр Steam гэдэг бол :

  • Онлайн платформ юм. Мэдээж хэрэг PC тоглогчдод зориулагдсан нь тодорхой. Мөн Mac болон Linux-ын тоглоомнуудыг эндээс худалдан авах боломжтой шүү.
  • Таны худалдаж авсан тоглоомнууд нь таны онлайн сан дотроос хэзээ ч устгагдахгүй. Хэзээ л бол хэзээ, аль ч газрын компьютерээс холбогдоод та өөрийн Steam Library  доторх тоглоомнуудыг татаад тоглож болно.
  • Steam-ийн нийт 170 сая хэрэглэгчдийн дундаас танд тохирох найзууд гарч ирнэ гэдэгт итгэлтэй байна. Яагаад та олон орны олон сонирхолтой Gamer-үүдтэй танилцаж тэдэнтэй хамт тоглож, мөн туршлагаа нэмэгдүүлж болохгүй гэж.
  • Зуны болон өвлийн онцгой хямдралын үеэр тоглоомнууд нь 75% хүртэл хямдардаг тул бид нар шиг халаас нимгэн хэрэглэгчдэд хичнээн гайхалтай боломж гарч ирдэг гээч. Мөн долоо хоногт хоёр удаа, бас өдөр болгон бусад онцгой хямдралууд зарлагдаж байдаг!
  • VALVe-ын өөрсдийнх нь тоглоомнууд Item Drop системтэй тул та ердөө тоглож байх явцдаа л үнэгүй итемүүдийг хожих болно. Тэднийг та цуглуулж, бусад тоглогчдод худалдаж, тэднээс худалдан авч ... улмаар наймааны арга ухаанд туршлагажиж ирснээр өөр бусад видео тоглоомнуудыг хямдхан үнээр худалдан авах мөн солилцохоос гадна Steam-ээс бодит $$$ олох боломжтой!
  • Дээр дурьдсан шиг Steam нь өөрийн гэсэн Trade буюу худалдаа хийх системтэй тул та найзуудтайгаа болон гадаад дотоодын тоглогчидтой төрөл бүрийн тоглоомнуудыг, мөн тоглоом доторх сонирхолтой итемүүдийг худалдаж, худалдан авч мөн солилцох боломжтой. Steam Community Market үйлчилгээний тусламжтайгаар итемүүдийг $-оор худалдаж болох бөгөөд олсон орлого тань Steam Wallet буюу таны Steam дансанд шууд орох болно.
  • Тоглоомнуудыг та зөвхөн өөртөө худалдан авч болохоос гадна найзууддаа, дотны хүндээ зориулан бэлэглэж бас болно. Энэ нь тэдний хувьд ямар гайхалтай бэлэг болохыг төсөөлж байна уу?
  • Big Picture горимын тусламжтайгаар та ТВ дээрээ Steam хэрэглэх боломжтой!
  • Steam нь өөрийн гэсэн "мессенжер"-тэйгээс гадна веб хөтөчтэй тул тоглож байх явцдаа Start товч, эсвэл Ctrl+Alt+Del дарж тоглоомноосоо гаралгүйгээр тэднийг ашиглаж болох юм. 
  • Мөн F12 товчийг дарснаар тоглоомынхоо Screenshot зургийг авч болно. Тэгээд өөрийн гэсэн альбомыг үүсгэж, найзууддаа Share хийвэл хожим хойно үзэхэд дурсгалтай шүүдээ.
  • Steam нь инди буюу хувиараа видео тоглоом бүтээгч уран бүтээлчдийг ихээхэн дэмждэг тул Greenlight буланд нэмэгдсэн шинэ тоглоомнуудад та саналаа өгч, ялсан тоглоомнуудыг нь хямд үнээр худалдан авч болно.
  • Томоохон тоглоомнууд нь өөрсдийн гэсэн Workshop-той бөгөөд эндээс та бусад бүтээлч Gamer-үүдийн хийсэн олон арван сонирхолтой mod, skin, map гэх мэт зүйлсийг үнэгүй татаж аваад туршиж болно. Та ч мөн адил өөрийн бүтээлээ илгээж бас болно шүүдээ.
  • Үнэгүй гэснээс Steam дээр Free-2-Play буюу Үнэгүй мөртлөө чанартай сайн тоглоомнууд олон бий шүү.
Steam нь энэ мэт маш олон боломжтой юм. Өнөөдөр та бүртгүүлээрэй! Харин миний Steam хаяг :

http://steamcommunity.com/id/khuslenweasley
бөгөөд танд туслахад би бэлэн байна!

Одоо харин заавартаа орцгооё. Тэгэхээр юуны түрүүнд та Steam-д бүртгүүлсэн байх шаардлагатай. Хэрэв танд байхгүй бол доорх линкээр ороод татаад аваарай.

Steam татах

Бүртгүүлэхэд ямар нэгэн хүндрэлтэй зүйл огт байхгүй. Харин танд л гэж зөвлөхөд бүргүүлэхдээ ашигласан э-мэйл хаяг тань хожим хойно маш их хэрэг болно гэдгийг анхаараарай. Тиймээс өөр хүний биш өөрийнхөө хаягаар бүртгүүлэх хэрэгтэй!

1. Түлхүүрийг идэвхжүүлэхийн тулд та Steam-ийнхээ Games цэсрүү ороод Activate a Product on Steam ... дэд цэсрүү орно уу.


2. Энэ үед доорх цонх гарч ирэх бөгөөд та Next товчийг дараарай.


3. Дүрэм журамтай нь танилцаад ... иймэрхүү зүйлсийг уншдаг хүн байдаггүй байхаа, тиймээ :D ... тэгээд уншсан бол I Agree товчин дээр дараарай.


4. Гарч ирэх цонхонд та түлхүүрээ оруулах хэрэгтэй. Тэгээд Next товчийг дараарай.


5. Voila! Ингээд та шинэ тоглоомтой болох нь тэрдээ. Одоо Next товчийг дараарай.


6. Та Next товчийг дарснаар тоглоомоо суулгаж болно. Харин Cancel дарвал суулгахгүй гэсэн үг, гэхдээ тоглоом тань таны Steam Library санд хадгалагдсан байх тул та хэзээ л бол хэзээ хүссэн цагтаа суулгах боломжтой!


Origin

Энэ бол Electronic Arts компаний зүгээс Gamer-үүдэд санал болгож буй тун гайхалтай үйлчилгээ юм. Яг л Steam шиг онлайн платформ гэсэн үг. Ялгаа нь гэвэл энд зөвхөн EA-ын өөрсдийнх нь бүтээлүүд л худалдаалагддаг байх нь. Хэдий тэд Steam-ыг гүйцэхгүй ч гэлээ  өдрөөс өдөрт сайжирч байгаа төдийгүй тун удахгүй гарах "Command & Conquer" F2P тоглоомынхоо тусламжтайгаар хэрэглэгчдийнхээ тоог хэд дахин нэмнэ гэдэгт итгэлтэй байна.

Origin татах бол энд дарна уу.

1. Origin цэсэн доторх Redeem Product Code ... дэд цэсрүү ороорой.

2. Ингээд гарч ирэх цонхонд түлхүүрээ оруулаарай. Тэгээд Next товчийг дарна.


3. Эндээс та тоглоомынхоо хэлийг сонгох хэрэгтэй.


4. Худалдан авалтаа баталгаажуулахын тулд Next товчийг дараарай.


5. Ингээд таны худалдан авалт баталгаажлаа! View in Library товч дээр дарснаар тоглоомынхоо санруу нэвтэрч татах боломжтой болно.


Ингээд хамгийн эцэст нь гэж хэлэхэд бүгдээрээ Pirate хийгдсэн хууль бус тоглоом тоглохоо больцгоож видео тоглоом хөгжүүлэгчдийн хөдөлмөрийг үнэлж, тэдний бүтээлийг албан ёсны эрхтэйгээр нь хэрэглэж байя! Энэ хэцүү бишшүүдээ. Зөвхөн Gamer таны ухамсраас л шалтгаалах болно. За өдрийг сайхан өнгөрүүлээрэй :) Ялагч нартаа мөн баяр хүргье!


Monday, August 5, 2013

"Splinter Cell : Blacklist" [P]review

Өнгөрсөн жилийн E3-аар анх "Splinter Cell : Blacklist" танилцуулагдаж билээ. Хад асгаар янгир ямаа шиг дүүлсэн, хөдөлгөөн үйлдэл нь хөнгөхөн шингэн гэж жигтэйхэн, урьдын адил баргил бүдүүн хоолойны оронд зөөлөн сул дуутай хонгор тэр эрийг олж хараад би "Өө хө энэ чинь залуухан Сем Фишер байна шүү дээ!" хэмээн дуу алдаж байлаа. Мөн хэрвээ та санаж байгаа бол хэдхэн сарын өмнө нь "Splinter Cell : Conviction"-ы удаах анги нь Sequel биш Prequel байх болно гэсэн цуурхал газар авж байсан шүүдээ. Мэдэхгүй нэгэнд нь гэж хэлэхэд Sequel гэдэг маань тухайн цуврал тоглоомын үргэлжлэл ангийг хэлдэг бол Prequel нь эсрэг утгыг илтгэдэг байна. Аанха, тэгээд удалгүй трэйлэрийн дараах Gameplay тоглолтыг нь үзэж сонирхтол нэг л биш болоод явчихлаа шүү хө. Гэтэл "Splinter Cell  : Blacklist" нь үндсэн зохиолын өмнөх биш үргэлжлэл анги нь болж таарав. Мөн нуугаад яахав, Stealth төрлийн уг тоглоомонд яахаараа дайснуудаа mark/lock хийж гал нээх болоод өрөө тасалгааруу breach хийж орох үйлдэл байдаг билээ хэмээн гайхаж суулаа. Тэгээд түүнээс хойш уг тоглоомонд төдий л анхаарлаа хандуулсангүй.  Харин өнгөрсөн хэдэн саруудад шинээр цацагдсан трэйлэр болоод тоглолтын бичлэгүүдийг нь үзэх тусам үзэл бодол маань дагаад сайн талруугаа өөрчлөгдөж байгааг анзаарсан юм. За ингээд уг тоглоомын талаарх [P]review-ыг сонирхоно уу.

Тэгэхээр Сем Фишер гэж хэн бэ?

Түүнийг видео тоглоомын ертөнцийн Лиам Несон гээд л төсөөлчих. Царайлаг уу, царайлаг. Өндөр үү, өндөр. Халуухан уу, халуухан. Хамгийн гол нь тэрээр нууц тагнуулч. Жэймс бондгор Бонд шиг хүүхнүүдийн эрлэг болж чаддаггүй ч гэсэн Жэйсон Борноос хамаагүй илүү чадвартай залуу юм шүү. Бас ганц бие эцэг. Мөн охиныхоо төлөө хэдэн зуун муу залуусыг нөгөө ертөнцрүү нь тонилгож дөнгөх шаггүй эр. Харин Лиамаас ялгаатай нь гэвэл тэр одоо болтол тэтгэвэртээ гараагүйд л байгаа юм. За ингээд, юуны түрүүнд түүнийг тун товчхон танилцуулаадахъя.

Сем буюу Самуэл Фишер. 1957 онд Нэгдсэн улсын Мерилэнд мужийн Товсон хотод мэндэлсэн тэрбээр улстөрийн шинжлэх ухааны чиглэлээр их сургууль дүүргэсэн бөгөөд 1980-аад оны үед CIA-ын зүүн Европыг хариуцсан хэсэгт ажиллаж байжээ. Тийнхүү ажиллаж байхдаа NSA-ын крипто-аналист (код тайлагч), Зөвлөлт Социалист Гүрж улсын иргэншилтэй Рэган Бөрнс-д сэтгэлтэй болсон байна. Хос хоёрын хэн хэн нь маш аюултай ажил хийдэг байснаас гадна өрсөлдөгч хоёр байгууллагын гишүүд тул өөрсдийн харилцааг маш их нууцалдаг байжээ. Реган бие давхар болсны дараагаар тэр хоёр гэрлэхээр шийдэцгээж Герман дахь нэгдсэн улсын цэргийн баазад нууцаар хурим хийсэн гэдэг. ("Braveheart" кино санаанд орчихлоо байна.) Ингээд удалгүй 1985 оны 5-р сарын 31-нд бяцхан Сара охин нь хорвоод мэндэлжээ. Гурван жил өнгөрсний дараагаар аргагүйн эрхэнд Сем, Реган хоёр бие биенээсээ хол амьдрах шаардлагатай тулгарсан бөгөөд Реган охин Сарагаа аваад Америкруу явсан байна. Тэнд очоод өөрийнхөө болон охиныхоо нэрийг мөн сольжээ. Тэдний амьдрал үнэхээр төвөгтэй бас эрсдэлтэй байлаа. Эхнэрээсээ салсны дараагаар Сем бүх анхаарлаа ажилдаа хандуулах болсон бөгөөд ЗХУ-ыг бутран сарних хүртэл Герман, Афканистан болоод Зөвлөлтийн улаан далбаан дор халхлагдсан бусад социалист лагерын улсуудад нууц даалгавар гүйцэтгэж байв. Сара охиныг 15 настай байхад Реган өндгөвчний хорт хавдраар өөд болсноор Сем охиноо өөр дээрээ авжээ ... байз байз энэ чинь Сем Фишерийн намтрыг өгүүлсэн нийтлэл биш шүүдээ. Тийм болохоор одоо тоглоомруугаа эргээд орцгооё тэгэх үү?

Товч танилцуулга.

"Tom Clancy's Splinter Cell : Blacklist" нь үндсэн цувралын найм дахь анги нь бөгөөд хөгжүүлэгч студиэр Ubisoft-ын Торонто дахь салбар нь ажилласан байна. Худалдаанд гарах хугацааны хувьд энэ 8-р сарын 20-нд гарах бөгөөд Xbox 360, PS3 болон PC дээр гарах аж. Мөн тэд Wii U-г мартаагүй нь тун сайн хэрэг шүү. Уг тоглоом маань Havok physics болоод LEAD engine буюу Unreal 2.5 хөдөлгүүрийн сайжруулсан хувилбар дээр хийгдсэн байна. Ингэхэд энэ Tom Clancy гэж ямар хүн байнаа, гэж та гайхаж байсан уу? Тэгвэл би хариултыг нь ирэх долоо хоногт танд хэлж өгье :)

Зохиол болоод үйл явдал.

3 дахь Эчелон-ы хуйвалдааны дараагаар буюу "Splinter Cell : Conviction"-ы үйл явдлаас хойш 6 сар өнгөрсөн байна. Энэ үед Сем Фишер маань өөрийн найз Виктор Косте-ын удирдлаганд байдаг Паладин 9 байгууллагатай хамтарч ажиллахаар болдог юм. Паладин 9-ийн хувьд та хувийн цэрэгжсэн байгууллага гээд л ойлгочих. Хувийн гэдэг утгаар бүх зүйл хууль ёсны байх албагүй шүүдээ ... за энэ тухай энэ хүргээд түр орхиё. Мэдээж хэрэг уг шинэ анги дээр хүчирхэг шинэ дайснууд гарч ирэх нь тодорхой. Тэднийг Инженерүүд гэдэг бөгөөд 12 хүнээс бүрдсэн маш аюултай террорист байгууллага юм. Тэдний гол зорилго болоод үйл ажиллагаа нь АНУ-ын ашиг сонирхлын эсрэг зөрчилдөх бөгөөд энэхүү нууц ажиллагаагаа тэд Blacklist буюу Хар Данс гэж нэрлэжээ.

Сем Фишер маань өөрөө 4-дэгч Эчелон-олон улсын терроризмтай тэмцэх тусгай шинэ салааны удирдагч нь болжээ. Өмнөх удирдагчийн хувьд Адам Ламберт байсныг та санаж байна уу?. [Мөн Сем Фишерийн тухай мааш дэлгэрэнгүй намтрыг дараагаар нь бичиж оруулах учраас өмнөх үйл явдлуудыг энд олон дурьдахгүйэ.] Харин 4-дэгч Эчелоны хувьд өөрсдийн ажил үүргийг шууд Нэгдсэн Улсын ерөнхийлөгчид тайлагнах эрхтэй өндөр зэрэглэлийн байгууллага юм. Өөрөөр хэлбэл уг байгууллагыг ерөнхийлөгчийн захирамжийн дагуу үүсгэн байгуулсан төдийгүй тэдний үндсэн зорилго нь өмнөх 3 дахь Эчелонтой холбоотой тэдний бүх бусармаг хэргүүдийг илчилж, "цэвэрлэх"-д оршино.  Энэ бол тоглоомын үндсэн даалгавар нь юмшүүдээ. Харин үүний хажуугаар дээр дурьдсан Паладин 9 болон Инженерүүдийн асуудлыг шийдвэрлэх хэрэгтэй болох юм. Яваандаа Семийн хувьд хоёрдагч даалгавар нь үндсэн даалгавар болж, үндсэн даалгавар нь хоёрдагч болон хувирна. Эндээс та бүхэн Инженерүүд болон тэдний "Хар Данс" төлөвлөгөө нь ямар аюултай болохыг харж байгаа биздээ?

Дүрүүд.

Тэгэлгүй яахав, Анна Гримсдоттир (хоч нэр нь "Грим")-гүйгээр уг цувралыг төсөөлөхийн аргагүйшүүдээ. Энэ удаад тэрээр илүү царай зүс сайтай болжээ :) Мөн дээр дурьдсан Виктор Косте-с гадна Айсак Бриггс болон Чарли Көүл нарын  шинэ дүрүүд нэмэгдсэн байна. Андрэй Кобин бас гарах бололтой. Харин Семийн охин Сара уг анги дээр гарах эсэх талаарх мэдээлэл одоохондоо алга байна.

Өрнөх газар.

"Хар Данс"-нд тусгагдсан хамгийн эхний бай бол Гуам дахь АНУ-ын цэргийн бааз байх болно. Мөн түүнчлэн Ливийн Бенгази, Иракын Мирава, Туркын нийслэл Истанбул, Иорданы Амман, Иемений Сана'а, Руандагийн Кигали, Иллинойс муж Чикаго хот, Луйзана дахь Сабинын  шингэн байгалийн хийн үйлдвэр зэрэг олон сонирхолтой газрууд гарахнээ. Ийнхүү үндсэн зорилгодоо хөтлөгдөн газар орчнуудыг сольж тоглох нь танд хуучны ангиудыг сануулна гэдэгт итгэлтэй байна.

Харин Co-op-ын хувьд 14 үетэй бөгөөд 13 өөр байрлалд өрнөх аж. Гэхдээ дээр дурьдсанаас огт өөр газрууд шүү.

Тоглолт.

Трэйлэр дээрээс та бүхэн харсан байх, Сем Фишер маань энэ удаад маш олон шинэ хөдөлгөөнийг хийж чаддаг болсон байна шүүдээ. Тухайлбал дайснуудаа mark хийж тэмдэглээд тэднийг хялбархан устгах систем шинээр нэмэгджээ. Миний хувьд үүнийг дэмжихгүй байгаа, учир нь Stealth тоглоом дээр даалгавруудаа ингэж Action маягаар биелүүлээд явбал утгагүй шүүдээ. Гэхдээ Ubisoft-ын зүгээс зөвхөн нэг даалгаврыг л гэхэд 3 өөр янзаар биелүүлэх үнэхээр гайхалтай тоглолтыг бидэнд санал болгоод байна! Ингэснээр над шиг чимээгүй, нууцлаг тоглолтонд дуртай нэг нь Stealth-ээр тоглоод, гараа хумхиж тэвчээртэй хүлээх дургүй хүмүүс нь Рембо болж дайснуудыг арчиж болох нь, харин үлдсэн нэг нь Stealth + Action хоёрыг хослуулаад тоглосон ч болно. Миний яриад байгаа энэ зүйлийг ойлгоогүй бол доорх трэйлэрийг үзнэ үү.


Сем ах маань мөн паркоурын хөдөлгөөнүүдийг хийж дөнгөдөг болж. Ингэснээр орчин тойрныг ашиглах боломж илүү өндөр болно шүүдээ. Ханан гадаргуу руу авирч, ширээн дээгүүр болон доогуур гулсах зэргээр маш олон хэрэгтэй хөдөлгөөнүүдий гүйцэтгэж болох нь. Харин хамгийн анхны gameplay бичлэг дээр үзүүлсэн дайснуудаа байцаах/тамлах гэсэн үйлдлийг тоглогчдын санал хүсэлтийн дагуу тоглоомноос бүрмөсөн хассан байна. Мөн гэрэл сүүдрийн ялгааг энэ удаад маш сайн хийж өгсөн тул яг л өмнөх "Splinter Cell : Chaos Theory" дээрх шигээ сүүдрийн дайчин болж болохнээ. Танил дасал болсон гурван ногоон гэрлийг харанхуйн дундаас харах боломж дахин гарсанд тух их баяртай байна :)

Дайснуудыг хэрхэн устгах нь таны сонголтоос шалтгаах болно. "Splinter Cell : Blacklist"-ийн хувьд цувралын сүүлийн ангиудаас зодооны хөдөлгөөнүүдийг нь өвлөн авжээ, ингэснээр муу залуусыг буулгаж авахад сум гарздах хэрэггүй болох нь. Мөн тоглолтын туршид харилцаа холбооны тусламжтайгаар өөрсдийнхөнтэй  холбоо тогтоож, тэднээс заавар зөвлөлгөө авч байх тул та өөрийгөө огтхон ч ганцаараа гэж мэдрэхгүй юм шүү. Үе бүрийн төгсгөлд өөрийн тоглолтын үр дүн, даалгаврын гүйцэтгэлээс шалтгаалж тодорхой хэмжээний мөнгөн урамшууллыг авч байх бөгөөд түүнийг зэр зэвсгээ сайжруулахад ашиглах боломжтой.

Зэр зэвсэг.

Зэр зэвсгийн хувьд маш жижигхэн нүх сүвээр багтах тагнуулын камерууд, гурван сэнстэй микро нисэх төхөөрөмжүүд, дайснуудын анхаарлыг сарниулж, тулалдах чадварыг нь алдагдуулах төрөл бүрийн тэсрэх бөмбөгүүд, тог цохиулагч (sticky shocker), Карамбит хутганаас эхлээд маш олон сонголттой болсон байна. Ингээд та бүхэнд бууны жагсаалтыг сонирхуулъя.

1. Зэвсгүүд

Гар буунууд

  • Five-seveN
  • F40 (Зөвхөн Amazon-с захиалсан хүмүүст урамшуулал болж ирнэ)
  • USP.45
  • PX4 Storm.45
  • Makarov PM-B
  • Desert Eagle
  • SC-15 pistol

Автомат буунууд

  • HK416 (Зөвхөн Amazon-с захиалсан хүмүүст урамшуулал болж ирнэ)
  • AK-47
  • SCAR-H
  • FAMAS
  • HK G36C
  • Beretta ARX-160
  • Goblin
  • Honey Badger
  • SC4000
  • PFS-12
  • SA-58 OSW

Хагас автомат буунууд

  • AKS-74U
  • MP7A1
  • Vector.45ACP (Зөвхөн Best Buy-с захиалсан хүмүүст)
  • UMP-45
  • CZ SCORPION EVO 3 A1
  • MAC-11
  • SC-400S
  • PP19
  • MP5/10
  • PP2000

Шотганууд

  • M1014 (Зөвхөн Walmart-с захиалбал)
  • Saiga-12
  • ACS-12
  • SASG-12
  • RMB-93
  • SC-15 shotgun

Снайперууд

  • VSS Sniper Rifle (Зөвхөн Gamestop-ын захиалганд ирэх нь)
  • SVU Dragunov
  • SR-25
  • Barrett 50.Cal [тоглоомын зөвхөн тодорхой нэг үе дээр л хэрэглэх боломжтой]
  • SC-15 Sniper Rifle
  • Cheytac Intervention

Тусгай зэвсгүүд

  • Karambit Knife - Маш аюултай байлдааны хутга.
  • Crossbow - Тактикын нум сум. Бүр утаа хий гаргагчтай!
  • Stun Gun - C02 бүхий гар буу. Sticky Shocker шиг нөлөө үзүүлнэ.

Хувцас хэрэглэлүүд

2. Багаж хэрэгслүүд 

Анхаарал сарниулах

  • Sticky Noisemaker
  • Sticky Camera - Үүнийг та бүхэн мэднэ шүүдээ. Хүссэн газартаа алсын зайнаас камер байршуулж болохоос гадна утаа хий шахах үүрэгтэй онцгой хэрэгсэл байгаа юм.
  • Sticky EMP - Богино зайнд, богино хугацаанд цахилгаан соронзон орон үүсгэдэг тул дайснуудын гэрэл болоод цахилгаан хэрэгслүүдийг түр хугацаанд идэвхгүй болгоно.
  • Tri-Rotor - Алсын удирдлагатай нисдэг төхөөрөмж. Дайснуудруу Sticky Shocker төрлийн сумнуудаар галлана гээч.

Утаа гаргагч гранатууд

  • Smoke Grenade - Нүд хорсгож, амьсгалын замыг хааснаар дайснуудын тулалдах чадварыг алдагдуулна.
  • Tear Grenade - Нулимс асгаруулагч хий гаргах болно.
  • Sleeping Gas - Дайсан этгээдийг богино хугацаанд нойрсуулж дөнгөнө.

Тулааны гранатууд

  • Flashbang - Манайхан цайруулагч гэдэг шүүдээ. Ямар үйлчилгээ үзүүлдгийг нь та бүхэн мэдэх байх.
  • Frag Grenade - Энгийн гранат.
  • Incendiary Grenade - Тэсрэх үедээ хүрээлэн буй орчноо шатааж дөнгөх эд шүү. Та үүнийг илүү боловсронгуй молотовын коктэйл гээд л төсөөлчих.

Мина болон бусад тэсрэх бөмбөг

  • Proximity Shocker - Ойртож ирсэн дайснуудыг тогонд цохиулах болно.
  • Door Breach - Хаалганд суурилуулснаар түгжээтэй хаалгануудыг онгойлгох боломжтой. Мөн алсын зайнаас тэсэлж болохоос гадна хаалганд дайснууд хэдий ойр байна тэр хэмжээгээр учруулах хохирол нь үлэмж их юм.
  • Proximity Mine - Дэлбэрэх цар хүрээний хувьд илүү том байх болно.

Тоноглол

  • OPSAT
  • Fourth Echelon Goggles -  Шөнийн дуран хараа болон Хөдөлгөөн/Биеийн дулаан мэдрэгчтэй.
  • Under-mounted Launcher
  • Snake Cam - Хаалган доогуур хийгээд харж болох жижигхэн камер. Энэ удаад дайснуудыг mark хийн тэмдэглэдэг болсон байна.
  • Spider-Bot -  Мөн таны нууц ажиллагаанд хэрэг болох чухал хэрэгсэл байна. (Splinter Cell Blacklist Spider-Bot)
Тоглолтын горимууд.

Тоглоом маань Single Player-ээс гадна Co-op Campaign-тэй байх нь. Co-op даалгавруудын тухайд гэвэл бүр тусдаа зохиолтой байх юм гэсэн шүү. Мөн түүнчлэн Spies vs Mercs гэсэн мааш сонирхолтой тоглолтын горим шинээр нэмэгдсэн байна. Merc буюу хөлсний цэргүүдийн тухайд FPS (Нэгдүгээр бие) тоглолттой байх бол тагнуулчид нь 3-р биеийн тоглолттой байх нь. Үнэхээр шинэлэг хийгээд содон шийдэл байгаа биз, урьд өмнө видео тоглоомын ертөнцөд ийм зүйл байгаагүй юм.

Difficulty-ын хувьд мэдээж хэрэг байгаа. Тоглолтын горим хүндрэх тусам таны ажлыг хөнгөвчлөх Mark & Execute системээс эхлээд олон зүйлс тоглолтоос хасагдаад явах болно. Мэдээж хэрэг хамгийн хүнд тохиргоон дээр нь тоглоомыг тоглож дуусгавал бүр догь хэрэг болно шүүдээ, тэр үедээ та өөрийгөө жинхэнэ өнөөх про тоглогч гэж өргөмжилж болно :D Гэхдээ миний хувьд про тоглогч нарын хувьд арай өөр ойлголттой. Тэмцээн уралдаанд оролцдог, багийн тоглолт гаргаж чаддаг, чадвараа мөнгө олох хэрэгсэл болгосон тийм хүмүүсийг хэлнэ шүүдээ. Харин бусад айхтар тоглодог тоглогчдын хувьд бол тэд зүгээр л тоглосоор байгаад "зэрлэгшчихсэн" л хэрэг байхгүй юу, хэхэ.

За ингээд  Spies vs Mercs трэйлэрийг сонирхоно уу.


[К]омпьютерээс шаардагдах үзүүлэлт.

Хамгийн багадаа :
  • OS: Windows XP/Vista/7
  • Processor: Intel Core 2 Duo @ 2.2 Ghz / AMD Athlon 64 X2 4800+
  • Memory: 2 Gb
  • Hard Drive: 12 Gb free
  • Video Memory: 512 Mb
  • Video Card: nVidia GeForce 8800 / ATI Radeon HD 4850
  • Sound Card: DirectX Compatible
  • DirectX: 9.0c
  • Keyboard
  • Mouse
  • DVD Rom Drive
Үнэхээр боломжийн байгаа биз?

Яг тохирсон үзүүлэлт :
  • OS: Windows 7/8
  • Processor: Intel Core 2 Quad @ 2.4 GHz / AMD Phenom II X4 @ 2.6 GHz
  • Memory: 4 Gb
  • Hard Drive: 12 Gb free
  • Video Memory: 1 Gb
  • Video Card: nVidia GeForce GTX 260 / ATI Radeon HD 4870
  • Sound Card: DirectX Compatible
  • DirectX: 10
  • Keyboard
  • Mouse
  • DVD Rom Drive
[Т]рэйлэр.

CGI трэйлэрийг нь сонирхуулъя.


2013 оны E3 дээр танилцуулагдсан debut trailer.


Хамгийн анхны Gameplay тоглолтын видео.


Семийн чадваруудыг танилцуулсан трэйлэр.

Co-op трэйлэр.


Walkthrough хэсгээс сонирхуулсан байна.


Энэ бас их айхтар трэйлэр байна.


[S]creenshot зурагнууд.